肥媽染疫自我隔離差啲搞到精神失常：忍唔住喺度喊
撰文：吳子生
出版：更新：
肥媽(Maria Cordero)今日（12/7）現身尖沙咀出席《明愛暖萬心》記者會。提到早上拍片表示自己不幸染疫，在家中自我隔離首日即發高燒，而且不停流汗咳嗽又頭痛，令人看到十分擔憂。肥媽表示現已康復：「喺自我隔離嗰幾日，我真係差啲精神失常，因為困住喺間房度係好辛苦。當我困到第四日，我就忍唔住喺度喊，仲會對住空氣中自言自語同老公講嘢，話自己好辛苦，變咗我咁樣做係可以舒緩到自己嘅情緒，不過最終都捱咗9日就出關，而家乜事都冇，做返一線歌手，連飯都可以食兩碗。」