老公幫手影相注定出事？　駱胤鳴睇相嬲到震：今日注定會血流成河

駱胤鳴為第一屆《超級巨聲》參賽者之一，同姊姊駱胤樺一齊出道改名「SIS樂印姊妹」，2014年轉型成為獨立歌手做音樂。近年她和電台DJ老公拍拖結婚，婚後在IG上分享與老公的有趣互動更成為了網民的歡樂來源。

事緣駱胤鳴與「靚仔老公」一齊外出食飯，眼見用膳的地方環境優美，所以駱胤鳴就叫老公幫手影相打卡打算在IG「呃Like」，點知就出事。

駱胤鳴還hashtag #我IG咁少相係有原因㗎 ，寫道：「今日，注定會血流成河。話說我老公特登帶我同奶奶去蓮香，我見古色古香得嚟，最近無乜遊客唔洗搭枱可以坐得舒舒服服，幫老公影吓相打吓卡。然後叫佢幫我影返。真心想知點解當年佢會追到我。」不少網民都紛紛留言「食花生」，有網民直言她的老公是「#老婆照妖鏡」，又指駱胤鳴的老公是「引火自焚」，不過也有網民力撐駱胤鳴的老公，說：「你估個個都可以影到咁？ 可以影到咁嘅人已經唔多，要好好珍惜。」直言能影到樣兒清晰已經算非常不錯了。