梁諾妍女兒疑受塵蟎致雙眼紅腫擘唔開　慘遭洪永城責備：我俾佢鬧

梁諾妍（Inez）今日（9/7）現身香港電台電視大廈為《醫家搞邊科》節目錄影。Inez透露女兒「洪寶寶」Amber於上星期疑受塵蟎滿影響，引致雙眼及面部紅腫，令她十分驚惶失措擔心不已：「嗰晚佢瞓到半夜，突然佢喺度狂喊，一望之下見到佢對眼腫到擘唔開，而且成塊面都係又紅又腫，嗰一刻個心都跌咗出嚟，冷靜過後，諗返之前醫生講過佢有皮膚敏感，容易受環境因素及塵蟎影響，於是就幫佢搽咗之前醫生開嘅藥膏，情況就好轉咗。」

事後，Inez將女兒的病況轉告身在內地工作的洪永城，誰知竟遭對方責備：「我俾佢鬧呀！係因為我將三部空氣清新機嘅其中兩部，攞咗過去新屋，只係留咗一部喺度，於是佢就叫我一定要攞返嗰兩部返屋企。而嗰排佢每日係咁問我阿囡個情況係點，仲要我每日影相俾佢睇。不過其實都知自己好多時都真係幾大懵，好多時佢都會俾好多意見我，係令我好安心。」