周潤發南丫島救流浪狗　網友激讚：我愛發哥！

早前特首候選人曾俊華在公和荳品廠店巧遇影帝周潤發，今日南丫島動物保護組織在Facebook分享發哥幫助流浪狗，立即獲得無數網民支持。出名親民的發哥在碼頭主動幫手推車仔，送多隻流浪狗仔上岸。有網民留言希望發哥領養狗仔返屋企，又叫發哥幫手呼籲全民領養。

其實南丫島是發哥長大的地方，不時都會舊地重遊，除了行山巧遇發哥，去南丫島都有機會見到發哥！今次他主動幫手，支持拯救流浪狗，真係好charm！發哥一向都是愛狗之人，以前曾經多次在愛護動物協會領養狗。雖然他工作繁忙，但仍然盡量親自照顧寵物，同時他覺得會中的動物更需要有愛心的人照顧，不贊成去寵物店買狗，絕對是大家的典範。今次發哥主動幫助流浪狗，網民封發哥做「民間貼地特首」，大讚︰「除咗講我愛發哥，真係唔知講咩好。即使係舉手之勞，唔係個個願意做。」