【IG女神】Giann、Ava擁77萬粉絲　為油王主場阿布札比做旅遊大使

陳芷瑩（Giann）及黃子菲（Ava）的ig粉絲人數分別是47萬及30萬，2人也是網路上有名的旅遊及美容Blogger同時也是模特兒。兩位靚女的人氣更勁到代表香港而受邀請前住阿布扎比。

你知道阿布扎比在哪裏嗎？杜拜呢？就算沒有去過也會聽過這兩個地方吧？一般人旅遊可能只是去日韓台泰，比較特別一點的可能會去冰島等北歐國家。「嗰邊（阿布扎比）都有搵我同唔同國家嘅人去，例如美國、歐洲，就係未有香港區嘅。」陳芷瑩（Giann）解釋，當初阿布扎比亦是因為自己的Instagram而邀請她們做宣傳大使，黃子菲（Ava）說：「因為佢主要去好多唔同嘅國家旅遊，所以如果講旅遊我都會諗起佢。」Giann續道，因為自己也擁有其他國家的人沒有的宣傳平台，當局考慮過之後也覺得很適合，所以就邀請了Giann與Ava一同前往。

「我哋去咗拍《狂野時速7》嗰個大廈，仲有嗰個全球唯一一間八星級酒店。」Ava提起阿布扎比興奮地説到：「其實點解有呢間酒店產生呢？因為佢哋要贏杜拜，因為杜拜帆船酒店，所以佢哋要再加一級個皇宮酒店。」Giann補充道。

除此之外，她們也在訪問中分享了旅遊的難忘經歷。Giann說：「我之前去咗奧地利，好凍嘅天氣。嗰時我地就要着住bikini行好遠去到個溫泉嗰度，但係只係浸一陣為咗影張相。」Ava也分享了一段於西班牙的經歷：「嗰時我地有一個地方，啲路好窄嘅。我哋租嗰架車經過懸崖嘅時候，基本上要泊埋個倒後鏡先過到，差少少就去唔到我要去嘅地方。但好彩冇事。」