日日媽媽聲｜戴耀明送上手寫心意卡感謝媽媽︰幸運和你有緣做母子

由余安安、羅敏莊、陳凱琳擔任主持的《日日媽媽聲》第二輯，，第10集請來姚瑩瑩、沈可欣、黎耀祥及戴耀明擔任嘉賓。出名孝順的戴耀明帶同媽媽參與錄影節目，戴耀明分享兒時與媽媽的窩心事，他說：「細個成日便秘，醫生叫我要做多啲運動，之後阿爸阿媽就陪我行樓梯，每日十次、八次左右，記得阿媽嗰時話：『第日阿媽年紀大咗，陪唔到你咁樣行，大個咗唔好再便秘，衰仔！』」

戴媽媽果然夠風趣。為感謝媽媽多年來的照顧與支持，戴耀明送上手寫心意卡並讀出內容：「親愛的媽媽，人生幾十年光景，真的過得很快，轉眼間你也八十幾了，正所謂有今生冇來世，幸運和你有緣做母子，希望有生之年你能開心過每天，食多啲好食嘅東西，對你來說食落肚就是最實際，衰仔明仔上。」內容搞笑亦滿載溫馨，最後耀明為媽媽送上鮮花。