TVB電視劇收視陷低谷　視帝陳展鵬保持樂觀：你輸咪練好啲囉

陳展鵬今日（19日）現身荃灣出席新劇《童時愛上你》宣傳活動，同場有張振朗、胡楓、楊卓娜等，女主角高海寧透過視訊出席活動。近日TVB劇集收視低迷，高層曾志偉曾透露希望改革TVB劇集製作模式，快拍快出劇集，《童時愛上你》便是拍畢即播映的電視劇。

面對近日開鑼的三台電視大戰，尤其開電視近日加入戰團，重金購入回歸劇《獅子山下的故事》及《黑金風暴》搶觀眾，TVB收視要回復正常水準可能要再加把勁。

對此，陳展鵬稱沒有留意收視，但認為有良性競爭是開心事，他說：「可能係因為我以前係運動員，運動員你講冇用㗎嘛，你比賽入面發揮有幾多啦，你輸唔緊要㗎，你輸咪練好啲囉，但你要知道輸啲乜嘢囉。我成日都Keep住一個運動員心態，演戲都係啦，我角色諗嗰樣嘢去演，但演出嚟唔係嗰樣嘢，我咪即刻調整囉。咁我都要知己知彼。」

《雙生陌生人》因收視低迷刪減5集，問陳展鵬如何看待主演劇集收視差一事，他認為作為演員只可盡力去演，播出後觀眾反應和收視不是控制範圍內，他說：「件貨幾多錢、感受係點，唔輪到我哋管，同埋我哋都唔需要睇住呢樣嘢去演。」他又說：「觀眾眼睛係雪亮，佢睇到好清楚發生緊咩事。好似呢個演員狀態唔係咁好、因為佢唔舒服；或者呢個角色唔係好適合佢，但佢都好盡力去演，呢樣嘢先我哋需要做。」