《百萬同居計劃》探班Anson Lo、Asha甜蜜拍拖　Jeffrey成輸家？

由盧瀚霆（Anson Lo）、Jeffrey （魏浚笙）、黃德斌、簡慕華等人主演嘅新劇《百萬同居計劃》已拍攝至尾聲階段。今早（14日），Anson Lo 、黃德斌、柳應廷（Jer）等人現身中環拍攝外景。

於IG透露自己瞓得個半個鐘嘅Anson Lo ，今早睇落尚算精神，到場時亦一一與工作人員打招呼，換好戲服準備埋位時，教主劇本、風扇不離手。到正式拍攝，Anson Lo同Asha（徐㴓喬）拖住手仔返屋企，仲喺樓下撞到黃德斌、練美娟呢對夫妻，繼而一齊double date。見到教主咁sweet sweet ，聞風而至嘅數十名fans亦不停影相留念。

早前Jeffery 透露在劇中同Asha（ 徐㴓喬）係大學同學，並對佢展開熱烈追求，唯Asha斬釘截鐵話拒愛，原來係因為有「燈仔」（Anson Lo劇中角色名字）呢位勁敵，睇怕Jeffrey 都注定冇運行。