百億劉鳴煒學宅男單身扮有女 油紅色指甲油自拍是否真貼地？
撰文：溫菁莉
出版：更新：
FB不時都會有「單身」男士教大家如何影相扮有拖拍，適逢昨日係白色情人節，有「Package男神」之稱嘅劉鳴煒昨日就於Facebook教人影相，並寫道：「街裡愛人一對對，就算單身都唔洗氣餒！每逢情人節，FB上都有大量情侶放閃。今日，我就同大家分享一個特別嘅攝影技巧，令你即使係單身都可以曬幸福.祝大家白色情人節快樂！」睇完全部相，深信佢一定係受到日本自拍達人「地主惠亮」嘅啟發！
現任青年事務委員會主席劉鳴煒曾經一句「願不願意犧牲，看少一點電影、去少一點日本？」觸動網友神經，被指是「離地離到上太空」。其後他就不時都會在Facebook上與網友「打交道」，更試過上載一張麥當勞的食物照片，一改離地形象。但最令人印象深刻相信是去年初獲邀港台電視節目《我係乜乜乜》擔任嘉賓，搖身一變做package男神。
而昨日劉鳴煒上載（單身）照後，有網友就話笑指「年青人就唔好去咁多日本/食咁多日本料理」，但都有心水清嘅網友話，「package點會冇情人呀哥仔」，其實早前有報導指劉鳴煒自2010年離婚後已有女友，所以大家可以停止FF。