黎耀祥三屆視帝竟然冇劇開 　無綫晒冷騷極速閃

黎耀祥基本上已是近年無綫劇集icon，代表性僅次於TVBuddy，每年在影視博覽，必定有兩三套劇上映，但今年一反常態，在影視博覽上，祥仔竟然一套劇集都沒有。昨日祥仔同無綫近百藝員一同出席，和黎諾懿、洪永城等為綜藝節目《嘆得好健康》站台，該節目亦類似無綫以往製作的旅遊節目，祥仔拍旅遊節目不奇怪，但奇怪在介紹完之後就匆匆離去，沒有留下接受記者訪問就走。

在這兩天的影視博覽，無綫多套劇集「晒冷」，所有小生花旦都有劇上，唯獨這位三屆視帝黎耀祥一套都冇？認真估唔到。不過祥仔就以WhatsApp回覆表示6月就會拍新劇，他說：「因為去年主力拍處境劇《八時入席》一直到年尾，之後到現在忙《風雲》舞台劇和那個《歎得好健康》，六月才會開始拍王心慰監製的新劇，所以今年才沒有劇在展覽會介紹，多謝關心！」祥仔的劇集一直有收視又有口碑，如果今年無劇上，真是替無綫擔心，祥仔6月先開工，最快都要下年年頭先有新劇播，他現忙為《風雲》舞台劇綵排，一個無祥仔嘅無綫，真係有點不習慣。