陳展鵬53小時冇覺瞓？　拍《天命》真係攞命：拍完講好要唞一排！

陳展鵬及胡定欣出席香港影視博覽的TVB節目巡禮，宣布本年度劇集之一《同盟》。問到劇集會否如《城寨英雄》般食住暑假黃金檔期出街，兩人表示：「當然想在多些人看到的時段播啦，不想放喺新年好似嘥咗，我都問過Jazz（監製文偉鴻），佢都實牙實齒話今年實出到街，不過幾時就留返公司決定。」

兩人各自擔正TVB 50周年重頭劇，陳展鵬形容拍《天命》要咬緊牙關，除了之前試過53小時冇瞓過覺，煎Pan仲話搞到自己五勞七傷：「搞到自己好似豆腐咁，真係拍到周身傷，尤其個菠蘿蓋，都驚之後轉天氣會痛，之後又有大感冒，拍完呢套講好咗要唞一排，希望『大難不死，必有後福』。」