新聞主播麥詩敏憶10歲時泰國打爛貨品須賠償　「真係好驚好驚」

近日小童誤挨跌朗豪坊KKplus的1.8米高天線得得B模型公仔惹起全城熱話，原來無綫（TVB）新聞主播麥詩敏（Gloria）都試過在泰國因不小心打爛番梘香薰須賠償，更因此留下心理陰影。

她今日（25日）發文道：「細個乜都好奇 所以隨手拎起咗一舊番梘香薰嚟睇，睇完放低就出事了。因為店舖的貨物其實”lum”（冧）到好高，一放原位就跌咗落地，結果擺設裂咗，有條裂痕，店員就要求爸爸賠償。由於語言不通，我好記得當時店員用身體語言示意我打爛嘢要賠償。」

麥詩敏坦言當年年僅10歲的她「好驚好驚。打爛嘢仲要賠償的感覺很差，真心到而家都記得，同埋極度記得當時店員如何以身體語言同爸爸示意我打爛嘢。」她又呼籲大家切勿讓自己和他人小朋友留下童年陰影。

同場加映：麥明詩曬飲酒微醺樣勁靚女　網友質疑即激動澄清：係有氣蘋果汁！