雙生陌生人｜收視低刪減集數提前大結局 陳庭欣：係浪費演員心血
撰文：吳子生
出版：更新：
無線熱播劇集《雙生陌生人》由原定的25集縮減為20集，定於本月27日播完。而該劇首播第一周僅錄得13.5點收視，破歷來黃金時段劇集新低。有網民留言嘆劇集提前大結局浪費了演員心血。
今日（17/5）陳庭欣出席《2022香港小姐競選》「全球招募 最後召集」記者會時，就上述事件接受《香港01》訪問說：「其實聽到呢個消息都感到無奈，因為大家咁努力去拍一套劇嘅時候，係冇人希望想減集數，而我哋作為演員都希望想加啦！而家減咗反而改咗編審原先編咗成套劇嗰個理念。明白可能因為種種嘅因數，如果減咗就希望有另一種感覺俾到大家啦。（網民嘆浪費演員心血！）其實都可以話有浪費演員心血。因為大家演嘅時候，係一定捱更抵夜去拍，同時亦用咗好多心機去準備，咁所以我覺得係有浪費。」