【開心速遞】十仔馬貫東變大茄 演司機得一場戲：要洗一洗底先
撰文：林通賢
出版：更新：
雖然《愛．回家之八時入席》已結束，由《開心速遞》補上，但不少網友對舊有成員念念不忘，尤其十仔（馬貫東飾）的下落，最近大家見到他有在《開心速遞》出現，更加令人期待他再次有戲做。
可惜現實再次不似預期，《開心速遞》中的十仔不但戲份比起《八時入席》差好遠，在本週二（7日）第11集，飾演運輸司機的十仔竟然只得一場戲，和以前集集有份、日日見差好遠。看見深愛的十仔由主角變大茄，粉絲當然不是味兒，還擔心十仔在無綫的前途，會不會重新來過，不過十仔就叫大家不要太驚，他接受《香港01》訪問，他說：「多謝支持先，大家唔駛擔心，我諗因為我十仔形象太深喇，而且又係處境劇，所以想我洗一洗底先，劇本出到40幾集，咁我都ok嘅，都越來越多，會講我暗戀呂慧儀，我keep住都有工開。」
除了十仔之外，《八時入席》的一班新演員亦自製了一個fb page叫《後花園的小太監》，在fb中發現眾人發展似乎都不俗，起碼個個都有工開，不過就以阿潼(周嘉洛飾)發展最好，連十仔都話羡慕，他說：「個個都好呀，但阿潼最勁呀，係我哋小太監之中嘅爆騷王，大家都替佢開心。」阿潼在《開心速遞》飾演安仔，是劉丹、呂慧儀、單立文等家庭成員之一，每晚都出現，如果做足5晚，每月20個騷，真的想窮都難。