黃建東惡搞拜金Seasun　公開林作3千呎大宅：我高潮咗好多次！

去年憑二次創作自拍一段廣東話諧音版《PPAP》而紅遍網絡的港男黃建東（Derek）近期又有新搞作。眾所周知，早前無綫播出實況節目《有樓萬事足》中，因其中一位受訪者22歲港女Seasun連環爆出金句講出「有樓先會有高潮」而引起全城熱話。而Derek有感話題度十足，就想起摹倣Seasun，還找來好朋友林作參與，影片上貼社交網站短短時間裏已吸引超過2萬人觀看，引來不少討論。

從影片中看，黃建東戴起長長頭髮穿著性感，扮起女人上來似模似樣，自稱是ThreeSome年年12歲，皆因提起個3字她就會有「高潮」喎，而她的男朋友就找來林作扮演名叫Chok Chok，林作完全顛覆過往專業形象，梳起頭髮又化眼妝穿著十分有型，連黃建東都話他夠MK。

記得Seasun曾經講過理想家居要有2000呎才是基本「人望高處嘛」，而今次Derek就去到林作3000呎的大宅拍攝，講真真是好大！其中二人不停抽「高潮」這個字的水，講出有關3的東西黃建東就不停有高潮，例如「從前有三隻小豬」「東方有三個博士」……高潮到他完全失常，十分好笑。

原來黃建東與林作是因為一場晩宴而促成為好朋友，而有了今次的創作。為了拍攝效果，黃建東還不惜動用私伙衫、飾物和髮型用品為林作大改造，只希望一轉他過往專業形象，配合今次拍攝主題，「我想佢著得 rock啲，所以去他的衣櫃看他有些什麼不同的衣服，結果裏面清一色西裝和紳士外套，所以我要帶自己的皮褸和飾物給他。最初我嘗試幫他set頭，但他的頭髮實在太厚太難搞，所以要交給髮型師負責。最後我為林作打造了一個韓星造型，還化了個煙燻眼妝。」

而今次林作顛覆過往形象，其實他自己都好喜歡，亦因為欣賞黃建東而願為朋友兩肋插刀，「我覺得他好似港版波叔 （Sachs Baron Cohen），好有幽默感和創意，不停度橋又約我出嚟詳談，非常有心機和熱誠，所以無論他想怎樣做我都願意配合。」亦因為擁有3000呎的大宅關係，被問到如果作為一個女性會不會選擇林作，黃建東毫不猶豫：「嘩！當然會喇！ 如果係女人絕對會考慮林作，一來他靚仔知書識禮﹑非常聰明又有幽默感好玩得，仲有3000呎大屋，絕對是筍盤。」開玩笑問他面對林作有沒有高潮，Derek語氣十分開心：「有啊！我係佢屋企高潮了好多次。」認真搞笑。