聞林正峰與圈外女友戀情告終 遊嘉欣贈慶：送《分手快樂》俾佢聽
撰文：吳子生
出版：更新：
游嘉欣今日（5/5）現身數碼港為無綫劇集《回歸》開工。提到被指介入緋聞男友林正峰與圈外女友感情，導致3年情告終。遊嘉欣表示：「其實傳我哋有嘢都好有一段時間，有一定相當歷史。對於佢哋嘅分手結果，好坦白我哋呢啲外人都估唔到咁多嘅，加上我又俾唔到啲咩意見佢，咁唯有祝福佢。（有冇安慰佢？）安慰佢？我未拍過拖，我都唔識點安慰佢，咁我使唔使送首《分手快樂》嘅歌俾佢聽呀？哈哈！唔開心呢家嘢，就要靠佢自己去慢慢消化。始終我唔清楚佢哋嘅嘢，我真係幫唔到佢哋啲咩。」