保錡情斷沙律先諗買樓後拍拖　認樣衰MK唔介意黃偉文賜名《猥瑣》

ViuTV男子組合「ERROR」成員吳保錡與「性感女神」沙律（張沛樂）拍拖一年多分手，不但刪除放閃合照及互相取消追蹤，沙律更透露二人沒有再聯絡，以及堅拒合作拍節目。保錡今日（3日）上商台節目《口水多過浪花》作客，主持Do姐（鄭裕玲）問到感情事，保錡即耍手擰頭，透露短期內不打算拍拖，「買咗樓再諗先好唔好......可能到時都係唔好㗎啦！」Do姐笑言：「（睇嚟）傷得好緊要！」

保錡分手後態度比以往成熟謙卑。除了拒絕拍拖外，他於節目宣傳新歌《猥瑣》期間自認「樣衰、肥、矮、MK、核突」，故不介意黃偉文賜新歌名《猥瑣》，他說道：「應該凈係得我有嗰個神髓......根本就係保錡就係咁。」保錡大方承認缺點之餘，又自認勤力許多，收工會做運動、練腹肌，成功減去20多磅。保錡寄情工作，並坦承：「人老變咗毒男，經歷太多啦，想休息。」

同場加映：Tyson Yoshi女友豪宅主人房拍性感照　網友質疑欠尊重今IG刪帖