開心速遞｜古佩玲遲到入廠遭訓話留下陰影：以後都唔敢遲到
撰文：吳子生
出版：更新：
古佩玲（Kelly)今日（22/4）現身電視城出席無綫處境喜劇《愛回家之開心速遞》宣傳造勢活動。提到早前同劇出現兩大遲到張景淳及林淑敏，令珍姐震怒直衝入錄影廠捉人，而張景淳當場斷正，事後被飛出劇組。Kelly表示：「其實我係好驚遲，每日我都會提早一個鐘返到公司上妝，因為之前試過遲咗入廠，就俾人話過兩句，話我咁樣唔得，當時即刻道歉，仲保證而後唔會發生。始終我作為一個新人，真係唔應該遲到，咁樣係好唔尊重啲前輩。自此之後，我以後都唔敢遲到，而每日我都會校定5個鬧鐘，去叫自己起身，咁就萬無一失。」