旨呈拍《逐流時代》首同黎紀君合作　監製戚其義下令慘被打到面腫

網劇《逐流時代》最近熱播，播出後劇中演員帶起了網上熱話，除了黃德斌、麥明詩、麥子樂之外，歌手旨呈劇中飾演黃德斌兒子，是一名玩世不恭的二世祖，更與三位女神麥明詩、鍾浠文及張凱娸合作，令網友羨慕。但是他否認艷福無邊一事：「麥明詩係我老豆嘅情人，對我只係攻心計。鍾浠文對我幾好，但後期就發現完全冇心動感動，仲會好慘。我同張凱娸今次係第三度合作，但同佢冇親密戲，我會幫佢捽腳同救佢啦！雖然唔係艷福無邊，但都開心可以同咁多個靚女合作。」

旨呈劇中也沒有預期的親熱戲，反而還被黎紀君掌摑及用棍毆打，他本人也覺得自己可憐：「黎紀君係真打，仲畀佢打咗好多巴，本來佢想留力，但監製（戚其義）覺得唔似，叫佢用力打，最後係打到塊臉有少少腫。至於用棍毆打，其實唔係黎紀君落手，因為佢唔夠膽打落嚟，係監製親自打，佢話你信我啦，枝棍𠝹咗，一打落嚟就斷，點知𠝹得太淺，打落嚟枝棍無斷，第二次都無斷，監製同我講唔好意思，佢話再𠝹深啲，第三次終於打斷，打完之後佢都有攬攬我。」

點擊睇《逐流時代》其他精彩靚相！