【Ben Sir研究院】黃色笑話兒童不宜 「減甜」先至適合一家大細

撰文:黃梓恒
出版:更新:

Ben Sir(歐陽偉豪)在TVB開節目《Ben Sir學堂》教講粗口而成名,無線見節目都叫做有迴響,所以添食俾Ben Sir開拍第二輯《Ben Sir研究院》。由學院升Lv做研究院,在每個星期日繼續為觀眾探討香港粵語諺語、潮語同埋粗口的來源。
周日(5日)播出的《Ben Sir研究院》,節目確有學習性,不過一些節目內容卻經常講鹹濕話題引觀眾注意,例如講女性G點,又例如當講到唇時竟然問系邊一塊唇,惹人遐想。在節目中亦有講起雙非的起源,雖然內容有點黃色,不過亦可以令人知識大增。其實節目三個女主持人當中,有現在當紅的麥美恩做下靶位,加上Ben Sir近似星爺的說話技巧,的確有其吸引之處,不過周日收視平均只得14.7的收視,似乎收視不似預期。
其實收視不振,睇網友評論都大概可以睇得出,網民留言亦大多對呢個節目有反感,例如話「一樣風格重複多次,已經再無新鮮感」,仲話教人講粗言穢語系一個下賤節目。不過公道講句,找尋來源唔等於教你講,講唔講都系要自己決定,不過如果可以減甜,應該會比較適合成家睇囉!