殿堂級配音員謝月美上月25日因胰臟癌離世，終年74歲，今日（16/4）於香港殯儀館設靈，喪禮採用佛教儀式，讓親友作最後致敬。約下午5時，謝月美生前好友「大王」安德尊抵達靈堂致哀，提到好友離世心感痛心：「其實認識咗佢都好耐，如果講到合作就係近呢幾十幾年大家做舞台劇。其實我一直都知佢有病，但因為疫情我就冇去探佢，如果佢有咩事，我擔當唔起。而佢之前都有提過，等佢休養好咗之後先見面，但等下等下就變成咁樣，我真係估唔到佢會咁快就走咗。」