肥媽教煮餸走師奶路線　唔同鼎爺比較：兩樣唔同嘅嘢嚟

繼鼎爺的《阿爺廚房》之後，同樣好煮得的肥媽與拍檔陸浩明將推出《肥媽教落食平D》，今日出席記者會。不經不覺，節目已來到第六輯，但今輯點都有壓力啩？

皆因早前《阿爺廚房》的反應不俗，鼎爺成功建立良好口碑，網民都大讚此節目是飲食界的教育電視。肥媽今次再出場，又怕不怕會比下去？肥媽就好淡定地說：「邊有得比？兩樣唔同嘅嘢嚟。」她講到鼎爺的賣點，是細膩的刀功，比較多功夫，她爆了句：「阿媽蒸魚會唔會擺多嚿魚喺上面吖？」在旁的陸浩明附和：「咁咪即係多嚿魚囉？」好似好有默契，但鼎爺聽到唔知會點呢？不過肥媽如此說道，皆因她自言是個師奶，又要照顧小朋友又要煮飯，有得揀都會極速搞掂兩菜一飯。