何廣沛首次搭檔蔡思貝　無綫新劇《你好，我的大夫》做中醫師

醫療題材嘅劇集向來收歡迎，無論係美劇《Good Doctor》、日劇《女醫神DoctorX》、韓劇《機智醫生生活》，又或者係港劇《On Call 36小時》》、《妙手仁心》、《白色強人》、《星空下的仁醫》都可以話係長拍長有。

無綫早前喺香港國際影視展上公開將開拍嘅嘅劇集，當中包括《你好，我的大夫》，無論係海報定係劇名，都會劇集以為係古裝劇，不過據悉《你好，我的大夫》係以中醫行醫為題材嘅時裝劇，暫定由蔡思貝和何廣沛主演，另有吳偉豪、陳嘉慧、游嘉欣、孔德賢、許俊豪等人。

故事講述蔡思貝同何廣沛分手後，多年後在職場上重遇，變為上司與下屬嘅關係，矛盾不斷、衝突連連，何廣沛其後開設私人中醫診所，面對奇難雜症令醫術提升，對自己的人生也有了新的看法……劇集雖然無大家睇慣睇熟嘅「醫生」代表馬國明或者郭晉安，並起用新一代嘅小生花旦，不過唔少劇集都認為蔡思貝首與何廣沛合作，應該可以擦出新火花。