張敬軒深夜玩食物扮愛瑪屈臣　留埋＃：有陽剛味就唔係似我喇

話說早排《美女與野獸》女主角「妙麗」愛瑪屈臣（Emma Watson）為外國雜誌《Vanity Fair》拍了一輯新相，整個造型都相當性感，僅以一塊白色披肩遮蔽胸部，但非常意料之外地，網民們關心的並不是Emma姣好的身材，而是Emma的妝容剛陽得來，竟有幾分張敬軒的感覺。

和Emma撞樣這件事，隔了幾日終於傳到軒仔耳中，向來玩得的軒仔不單沒有介意，似乎還為和女神撞樣沾沾自喜，將報道Cap圖放上網：「呢單好好笑，網路英雄真係創意無限！」而「Hashtag王」軒仔亦在下面留了一大堆Hashtag，先說一句「#識似一定係咁似」，又利申自己是「#emmafan屎」，笑自己是「#軒軒屈神」，又話「#有陽剛味就唔係似我喇」因為他是「陽江吖」。

爆笑了4個鐘後，你以為唱作歌手軒仔突然有靈感作唱？非也，軒仔自演唱會後大概是轉型做藝術家了，居然大玩行為藝術，親自Cosplay一次Emma，又笑指這是：「深夜無聊習作。」而最無聊的是什麼呢？當然是水蛇春咁長的Hashtag（#識睇一定睇Hashtag），軒仔整段Hashtag中完完整整分享了這個「高汁」作品概思，擺在軒仔身上的原來是他未來兩日的早餐，包括胸前遮蔽「重點」的冬甩，裝作頭髮的雜包，和圈在頸上的麵包膠袋（#不要玩食物），他又笑指今次是為藝術犧牲，不過犧牲的是Emma。

網民見到即踴躍留言，笑問為何連軒仔都有事業線：「 左邊那位為何也有失業線呢？」、「#想借問個胸係咪打咗陰影」，亦有網民提議軒仔想Cosplay得更似，可以用包蘋果雪梨去的包裝去扮白色披肩，另外有網民留言訪問軒仔：「My question is do you feel like owing Emma Watson a drink or dinner to thank her for ........」這個問題似曾相識，好似在奧斯卡記者會聽過。

軒仔當然多謝Emma啦，更用Hashtag狂推於Emma新作《美女與野獸》「#美女與野獸 #之 #阿belle食咗個包」、「#beautyandthebeast2」、「#guiltyandthebest」、「#hinhinandthebeast」、「#hinhinandthebread」。最後再加上一句：「當你見到Emma Watson，可會想起我......」。

或者我再重申一次，若果到時《美女與野獸》開映，大家見到野獸攬住的貝兒是軒仔，都千祈唔好「𠝹」凳！（#幻覺嚟嘅啫嚇我唔到）