鄧美欣狗咬風波未平一波又起 藥物敏感下身出紅疹：心都掏空埋
撰文：吳子生
出版：更新：
前無綫《娛樂新聞台》女主持鄧美欣（Venus)早前被惡犬咬傷留醫三個星期
，日前獲准出院，難過的日子終於過去。今日（11/4）Venus有感而發在社交平台發文道出留院期間，所承受著的痛苦：「由上個月18號入院，咁就浪費左22日。星期五終於都返到屋企，休息咗兩日 成個人都精神左好多，每次訓醒睜大隻眼都好感恩自己喺屋企唔係醫院。諗起呢三個星期每日打針食藥，怕痛既我真係崩潰，精神又差又擔憂好多事情，每次姑娘拎個針盤入嚟嘅時候，我都好希望佢唔係嚟我床位打針…每日望住病房啲病人出院，都諗緊幾時輪到我…除咗疼痛外 藥物敏感都困擾住我，下半身全部都係紅點。經歷咗今次 心變得更強大。多謝呢段時間一直陪喺我身邊嘅朋友，特別係手術前後 心都掏空埋，呢段時間多謝大家既關心和問候，我正在康復中。都想提提大家，如果俾任何狗咬傷，需要打瘋狗針，記得要去公立醫院，私院係冇得打！唔好因此浪費咗治療時間。」
+2