馮盈盈助手被指搲著數貪小便宜犯眾憎疑被辭退：我唔方便講太多

馮盈盈早前被傳疑犯下兩宗罪觸怒無綫而被掟入雪櫃﹗第一宗罪是為公開同鄭衍峰戀情同公司鬧意見。第二宗罪是其私人助手經常陪伴出席活動時，趁機集郵及貪小便宜去搲著數，無綫為此力勸她要辭去該助手以免影響其名聲，但馮盈盈卻屢勸不聽。

神隱兩個幾月，憑盈盈今日（29/3）終於蒲頭出席無綫綜藝節目宣傳活動。馮盈盈表示：「其實我係有睇到話我被雪藏嘅相關報道，但我就真係唔知點解會咁傳。（當時咁傳你驚唔驚？）咁又唔會嘅，因為心諗都係傳言嚟啫。（今日唔見你助手，係咪辭退咗？）但講到我助手呢，始終佢都唔係圈內人，咁所以都希望保護返佢，關於我同佢嘅合作關係，我就唔方便講得太多，咁希望大家可以俾多啲空間佢。（冇助手會唔會唔方便？）其實初出道嘅時候都係自己照顧自己嘅，都係學習獨立，咁所以而家係冇需要。」