愛回家｜73歲羅樂林復工　病徵輕微唔辛苦：過咗三四日已經變陰性

現年73歲的羅樂林在上月24日初步確診新冠肺炎，成為TVB首批染疫藝員其中一人，即時停工的他一直在家休息養病，直至本月初他被影到現身九龍城購物，其後他在接受訪問時表示自己居家隔離10日後已經病癒，隨時準備好開工。日前羅樂林回到電視城，正式復工拍攝《愛．回家之開心速遞》，他在接受TVB娛樂新聞台訪問時透露自己病徵輕微：「喺個過程入面我又唔係覺得咁辛苦，可能因為我有做運動嘅關係啦，流少少鼻水同幾聲咳，我又覺得我自己又冇乜嘢，唔辛苦，但既然咁樣係中咗嘅，咁咪要面對囉。過咗三、四日之後我自己再Check已經冇嘢，已經變陰性，咁我都守規矩嘅，嗰十日我都冇出過街。」

羅樂林表示有收到劇組一眾「仔女」的慰問，當中飾演他細仔「風少」龍璟風的陳浚霆更送了一大車物資給他：「嘩，8、9袋嘢，十幾個人都食唔晒嘅嘢嚟，乜嘢都有，檢測器呀都攞嚟，同埋啲煲湯料、蔬菜、肉呀，都真係好孝順我呢個爸爸。」相當有心！