祝文君設靈｜王維德不解對方遲到原因 死後始知真相：嘔完血先嚟
撰文：吳子生
出版：更新：
女藝人祝文君上月28日因肺癌突然離世，享年55歲。喪禮今日（25/3）於沙田寶福紀念館。下午約4時半生前好友王維德抵達靈堂致哀，提到好友突然離世大感痛心：「其實喺幾個月前，我哋幾個朋友出過嚟食過飯，當時大家都唔知道佢身體有事，佢保密得好緊要。只係好閨蜜嗰啲朋友先會知，而當佢離世咗之後，係從其他朋友口中得知佢，當晚佢原來嘔完血先嚟。之後諗返唔怪得知佢遲咗嚟。當晚我哋仲留咗啲餸俾佢，佢都有食，佢胃口都Ok喎，大家仲有講有笑。望落去佢只係瘦咗啲，但睇唔出佢有事。」