陳國峰確診全家停工　望北上搵出路：銀行存款所餘無幾

第五波疫情肆虐，各行各業都受到影響，陳國峰日前在IG發文慨嘆陷入人生低潮，他指爸爸在一月離世、媽媽不幸確診、太太停工兩個月，零收入，而自己嘅收入亦大減7成，更不幸嘅係自己亦確診，隔離期間只能以視像電話同囝囝聯絡。

陳國峰接受《香港01》訪問時，透露媽媽已康復8成，而自己就已經隔離第4日，情況還好。他透露自從發文後，不少朋友都有送上慰問：「公司好關心我，話如果有乜需要可以同佢哋講。」陳國峰去年復出做健身教練養家，但他由於沒有註冊公司，加上係freelance，所以無辦法申請政府的補助。「好返之後會搵搵兼職做，劇亦會繼續拍，都有搵朋友幫手問下北上有無機會，而家銀行存款已經所餘無幾。」