東張西望｜棺木停止供應料日內耗盡 業界人士：我哋係好無助
撰文：鄺鈺瑩
出版：更新：
第五波疫情肆虐，繼早前停屍位不足、火化時段不夠後，有指本港棺木數量將會在兩至三日內耗盡，情況令人憂慮。今晚播出嘅《東張西望》訪問了殯儀業商會理事長郭凱邦，他指由於深圳封關，經陸路關口抵港的棺木隨即停止供應，至於經水路抵港的棺木需時三至七日，包括處理清關等手續。「今日由水路嚟有120副左右，但爐期所見，每日差不多（火化）200幾個，根本係唔夠用。打比船運公司係冇人聽，我哋係好無助。」
除咗棺木就快耗盡之外，殯儀業亦要面對火化問題，殯儀業商會副理事長鄭志傑表示食環署雖然提供充裕嘅火化爐時段比市民及業界使用，但因為所有流程未能配合，所以令到火化都變得十分艱巨。殯儀業商會永遠名譽會長羅顯榮表示：「衛生署準時六點半拉閘，同埋佢哋出證件相對地慢，由於佢卡住，令其他部門都拖。而家有爐冇棺都係死，多啲爐先可以消化現有嘅遺體，唔會積壓喺殮房，而家嗰重恐怖程度係我入行40年嚟、以往冇咁多設施時先會發生。」