林正峰與圈外女友因價值觀不同分手 唔會避忌與游嘉欣見面
撰文：鄺鈺瑩
出版：更新：
林正峰同游嘉欣去年因合作劇集《青年心城之撐起青春》而傳出緋聞，當時有指二人出席宣傳活動後，齊齊去灣仔睇展覽，但到埗後留在車廂傾唔停，離開會場後又將車泊到路邊繼續傾。事後，林正峰強調同拍拖3年嘅女友Yuki感情穩定，仲話女友亦都認識游嘉欣，加上當日因為落雨，所以先會長時間留在車廂。林正峰仲話唔會避忌，日後會繼續接載游嘉欣……
日前有指林正峰原來已經同Yuki分手，並喺今年情人節出po表明已回復單身：「愛過了，就不遺憾，從今後換成他保護你，照顧你。祝大家情人節快樂，單身的我們，也要快樂。」如今一個單身、一個AO，是未有發展空間呢？林正峰就回覆傳媒時表示「想專注事業發展，努力衝刺」仲話同 Yuki其實離離合合好幾次，大家價值觀同性格有所差距，所以好難再一齊，雖然有盡力挽留但事與願違。林正峰亦再一次強調同游嘉欣係好朋友，唔怕被誤會！而游嘉欣亦表示同林正峰friend到好難發展，仲話夾到時間出街、影相屬於正常行為，唔會避嫌。講到影相，早前游嘉欣喺IG上載多張靚相，並標記了「大澳漁村」，與此同時，林正峰最新一個PO的照片亦是在大澳所拍，他更發文表示：「終於可以唞吓氣~感覺好似已經去左個旅行咁，好滿足:>>」
點擊睇游嘉欣靚相:
+4