【魯芬設靈】殯儀館外隔空教仔　祥嫂：我驚佢失禮伶王呀

已故藝人魯芬今日設靈，她身前一眾好友相繼前來作最後致敬，包括八両金、曾志偉等，連祥嫂都有前來送別好友。祥嫂在靈堂外接受訪問期間，有記者問到祥嫂對兆尊享齊人之福，有個紅顏知己有什麼看法時，祥嫂就愈說愈激動，「….我真係辛苦，我希望大家憐惜我，好唔好，我阿仔三個紅顏知己，呢啲係好事，我個仔人見人愛，亦係新馬仔個仔，再其次手上又有…難得，或者4個、6個仲應該，仲後生喎，下話…（之後問身邊的黃夏蕙）我仲應該點答落去，（祥嫂開始激動）咁我要維護我啲仔㗎….但應該點答先得體㗎….你哋唔好笑、挖苦佢（兆尊），好唔好，我要求你，畀番一分友誼畀祥哥，睇在我份上，我都好掛住佢哋，係唔係？」

之後祥嫂淚流滿面喊住講兆尊，她說：「兆尊今日出嚟承認呢…佢係有苦衷㗎，佢想返出嚟做工作，想入番娛樂圈呀，佢哋唔知係邊個蠶蟲師爺度條咁嘅橋，叫佢逐一帶出嚟，一拖一、一拖三咁出嚟，咁樣搞，唔好咁啦，兆尊，啲男仔睇到你亦都會話你曬命下？你同澳門個華哥比呀？天同地比啦！各樣各樣…. 人，唔好同人比。仔，你有本事唔好俾啲女人嘮嘮叨叨呢，幾多個，媽咪都贊成，支持你，總之你應付得嚟，唔好俾啲兄弟姊妹笑你呀…我本來唔使想㗎，但我真係，經過咁多嘅折磨，我驚佢失禮個伶王呀，我係佢老母嚟㗎…. 我要講得好得體，亦都要講事實。佢呢個係一個方法嚟，想返娛樂圈，希望你哋留一點情畀新馬仔，佢做咁多好事，幫盡咁多人，亦都等如幫我祥嫂，我啲仔女唔曳㗎，冇爭過家產，佢應得嘅，係我唔啱啫，揸得咁緊……」