勁過姚焯菲出身中產？　鍾柔美自爆有「家族生意」：將來想幫手

TVB節目《聲夢傳奇》捧紅了一班對唱歌有熱誠的後生仔女，其後更順勢將炎明熹（Gigi）、姚焯菲（Chantel）、鍾柔美（Yumi）及詹天文（Windy）4位青春少女組成唱跳組合After Class，意思照未面所說是「放學後的組合」。日前After Class 4位成員受邀上DoDo姐的電台節目《口水多過浪花》做訪問，閒聊關於入行後發生的事。

訪談節目中，DoDo姐問起誰是After Class的隊長，雖然沒有正式委任，但都一致認為是炎明熹（Gigi），不過她就指其實4人各有所長，互補不足。她們亦表示想考入大學，不過炎明熹就坦言自己讀書成績不算特別好，說：「以前覺得想似媽咪咁樣，去做護士幫助其他人，但係都要有好成績先可以考護士，我發現我連嗰個水平都掂唔到，非常之尷尬。我應該冇一科係最叻，最差係數學。」

Chantel亦指自己的數學科成績不算好，最好的是科學，平均分只有7，80分，笑說：「咪就係俾數學拉低晒。」反觀Yumi就指自己成績不錯，還表示對做生意好有興趣，將來想打理家族生意，說：「喺呢個圈唔知將來可以行到幾遠，我屋企人係開髮型屋，都知佢哋辛苦，將來都想幫手。」