Heidi認Super Girls已正式解散　爆喊竟被網民寸假惺惺：扮咩吖

本地女子組合Super Girls（SG）早於2年前已傳出拆夥消息，日前有報道指SG其實已正式解散，原因是隊中有幾位成員早已約滿離巢，包括隊長趙慧珊（Aka）、李靜儀（Heidi）及已成為人妻兼即將做媽媽的蔡明思（Jessica)。Heidi前晚（3/3）在社交網開Live時，被網民問到SG解散一事，她直認是事實，更一度對住鏡頭傷心爆喊，喊了逾10分鐘。她表示自己很不捨得，又謂拆夥都好大壓力，以自由身作獨立發展需要好大勇氣。然而有網民就於討論區寸爆Heidi假惺惺，留言說：「扮咩吖佢，佢不知幾想散，最早單飛係咁接job，自己做自己嘢唔係就係佢咩？」亦有網民重提當年Heidi與隊友Yanny爭仔傳聞，指她一早想解散。