Chantale杜小喬齊數女生大敵　用打小人對付賤男

杜小喬（小喬）與貝依霖（Chantale），在新片《初戀日記：殘男蜜擾》中，一個是凡事愛占星的中學生，一個是勾引男主角的第三者，在戲中乍看沒有相同之處，原來現實中亦有遇過女生的大敵：賤男。

Chantale提及賤男時說：「嘩！賤男有好多喎，有一齊咗一段時間先發現原來佢有女朋友，然後就呃我話冇喇。又或者同一份（款）禮物，買兩份送畀兩個女仔，真係好賤呢啲行為。」而小喬亦分享說：「我都唔知點樣define（分類）佢吖⋯可能我哋價值觀好唔同，但係佢又唔肯商量又成日以為自己啱哂。」

兩人都遇過賤男，既然有經驗自然都有對付的方法，Chantale回應說：「心裏面講晒最污糟嘅說話去罵佢。」、「發現咗佢同第二個女仔出街，咁我就同返第二個男仔出街。」小喬更說：「我想打佢小人，心裏面就做咗一百萬次，但係真實就太難。」