陳健安確診隔離15天終戰勝病毒　IG展示陰性結果：會變得更強

本港第五波疫情嚴峻，病毒殺入娛樂圈，先後多名藝人確診染疫。男子組合C AllStar成員陳健安（On仔）早於2月17日在個人社交平台發布自己確診新冠肺炎消息，並在家居自我隔離，而且連日來都寫下個人出現症狀及最新病況。今日（1/3）是安仔確診後第15日，他亦不忘在社交平台交代最新病況，並發文展示病毒快速測試圖片，結果呈陰性：「大致上好返，只有少少痰，做返三日運動，感覺開始回歸正常，總結一下漫長又深刻嘅經歷。當知道自己確診嗰一刻，係會驚一驚，心諗連我有護理資格嘅都會驚，平民百姓一定更驚。靜落嚟，問自己驚啲乜，除咗病情之外，最驚原來係怕無人陪阿媽覆診，畢竟自己係負責阿媽嘅健康，又靜一靜，好在有家人嘅幫手，好好放手交俾家人幫忙。雖然我叫做好返，但知道有唔少人剛剛確診，各自經歷緊唔同階段，希望我嘅omicron日誌令大家可以作少少參考，確診路上可以安心啲啲，有個陪伴。最後一定要相信越過痛苦之後會變得更強。願我們都有一顆柔軟有彈性嘅心，迎接更多未知，繼續生活。」