ig女神貝依霖坐擁8萬fans 堅拒收兵仔：我會主動出擊
《初戀日記：賤男蜜擾》2月24日上映，大家進場觀看的焦點可能會是王敏奕與馬志威2位，原來戲中尚有一位靚女大家一定要識，她就是Chantale貝依霖，這位23歲靚女的instagram粉絲人數更有8萬多人follow，絕對係女神級別。
Chantale原來由4年前開始學習綱管舞，她説：「因為我學嘅時候冇咩人學，都幾冷門，我又有興趣去學。」「同埋本身自己喺跳舞底嘅，不嬲都鍾意嘅，未試過pole-dance呢樣嘢，所以就去試下。」Chantale的社交媒體多人留意，但Facebook 或IG上亦有人私信騷擾：「有試過收到一啲不雅照片，信息文字就係叫你去返part-time嗰啲。個頻率都多架。我唔會將佢放係心上囉，都唔係第一日跳pole dance，都唔係第一日做嗰啲幕前嘅嘢，亦都唔係第一次遇到。依家純綷當對方係痴線佬笑下就算。」
貴為IG女神，原來Chantale唔鍾意做娘娘收兵：「無兵，我比得佢埋身，一定係鍾意佢，而鍾意佢我一定會主動出擊，如果唔鍾意一定唔會比機會留係身邊！」又問到現時有沒有追求者？「依家有人追，不過我希望比我自己鍾意嘅人追多啲，我都想架，如果有人肯嘅話，女仔都係鍾意多人錫。」看來女生的心態真的很飄忽，又想有追求者，又不喜歡追求者留在身邊，女神，真係唔收兵㗎！好似係……
戲中Chantale飾演與王敏奕同屬一校的學生，戲中亦有一幕色誘馬志威(Edward)（王敏奕戲中男友）的情節。至於拍戲經歷，她表示：「有一場好性感就係著一件內衣，跟住搵個紅色絲帶包住自己好似一個禮物咁送畀佢（Edward)，跟住要去勾引佢。」這場戲最深刻。問到Chantale當時有沒有面紅，她笑說：「因為我同Edward識左好耐，所以就冇尷尬。反而係佢比怕怕羞，有耳仔紅面紅嗰啲。」
最後Chantale更表示目前已經單身了一年半，希望找到一個像李敏鎬的「靚仔」暖男。