C AllStar陳健安確診IG持續更新病況：唯一高興係全身皮膚好咗

本港第五波疫情肆虐，娛樂圈最終宣告失守，先後多名藝人確診染疫。而男子組合C AllStar成員陳健安（On仔）在2月17日於個人社交平台透露自己確診新冠肺炎，連日來寫下個人出現症狀先後次序，以及如何舒緩病況。昨日安記亦不忘在IG限時動態分享病況，並寫道：「中招唯一高興係，全身皮膚好咗，頭五日主要都係食糙米粥同埋烚菜，即係等於齋戒咁，然後一日至少瞓15個鐘以上，乜嘢都修復晒好滑，一次還晒新年啲年糕蘿蔔糕債，仲清減埋」，並展示靚仔樣俾大家睇，真係滑過豆腐。