梁詠琪爆Edan呂爵安拍喊戲超緊張　片場當眾飲酒仲要冇得瞓

鄭中基（Ronald）、梁詠琪（Gigi）、吳君如和MIRROR成員Edan（呂爵安）近日為賀歲電影《闔家辣》密密做宣傳。四人近日接受Now爆谷台訪問。梁詠琪稱讚Edan謙虛誠懇，更笑言：「好似讚緊自己個仔呀，我個仔好乖，又謙虛。」鄭中基則讚他又乖又有禮。

隨後梁詠琪透露Edan演電影經驗不多，在片場時頗為緊張，Edan又詢問梁詠琪「有冇咬字唔正，佢自己講話佢自己講嘢有鄉音。」她又大爆Edan在片場拍喊戲要靠飲酒舒緩緊張，她說：「我記得佢現場有一場喊戲，佢好緊張，飲晒酒呀！兩隻手插晒袋，喺度周圍望拍未呀？」

吳君如亦稱讚Edan「冇喺我哋面前表現過唔耐煩」，她說：「有時戥佢慘係佢好眼瞓囉！我話係咁㗎啦，我當年喺你嘅歲數，瞓都冇得瞓呀！」

早霸王 | 吳君如爆曾開門睇邱淑貞換衫：以前80年代個個身材好好