陳豪為保護家人戴2個口罩　連瞓覺都不除：差不多24小時都會戴住

TVB新劇《飛虎3壯志英雄》昨日舉行記者會，因應近期疫情嚴峻，陳豪戴兩個口罩現身，做足保護措施。他接受訪問時表示因為一直要開工：「因為我要見好多人，加埋我咃做演唱，每次action都要除口罩。我戴口罩對屋企人嚟講係一個保護。」他又透露雖然有做檢驗，在家中就連瞓覺都會戴口罩。「我以前返大陸都係咁樣，一係唔戴，一戴就長時間，除咗食飯、沖涼。都已經見到我塊面成日有個『印』喺度。其實唔係要防護我自己，係要對佢哋有個保護」為咗屋企人，陳豪仲話工作以外嘅時間，盡量避免出現喺人多嘅地方，而他近日拍攝中嘅新劇《破毒強人》 已經停拍外景，而廠景則繼續進行。

其實自疲情以來，陳豪嘅陳疫功夫都做到足，台慶雲集超過200名藝人出席，但全場僅得陳豪一人全程戴上外科口罩；而在TVB頒獎禮上，佢亦戴上外科口罩，除咗上台做頒獎嘉賓及走紅地毯時短暫脫下口罩。而平日拍攝時，唔到aciton一刻，陳豪都全程戴上口罩。