曾志偉細仔插足《潮什麼》系列　陪梁芷珮爽遊歐洲再高山滑雪

梁芷珮（Christy）自2017年拍攝《美國潮什麼》後，「潮什麼」可說是長拍長有，近日更獲無綫安排，去到北京直擊北京冬奧。

而喺冬奧開幕前夕，梁芷珮分別去到歐洲四個國家（芬蘭、愛沙尼亞、薩拉熱窩及法國），睇睇運動員備戰情況，節目名為《冬奧潮什麼》。雖然今次節目一如以往「潮什麼」，Christy繼續同攝影師老公Kenneth上陣，之不過，就加插了曾志偉細仔曾國猷做主持。

曾國猷話就話係主持，但兩集節目中，一啲較為資訊性嘅內容（如何挑選滑雪裝備、滑雪賽道特色等等）全部都係由梁芷珮負責，而被梁芷珮以「呢幾日幫我哋好多」嘅曾國猷，主力玩冰球、分享高山滑雪經經等等。曾國猷早年挾父親曾志偉之名嘗試喺娛樂圈發展，可惜星運平平，之後又捲入公司「走數200萬」事件。2012年娶到索妻張可蕙（Renee）時，不少圈中人都有到場祝賀，唯婚後冇耐遭老婆指責經常外出，不照顧妻女，去年二人終於應已離婚多時。另外，曾國猷在2017年曾與梁芷珮一齊主持TVB旅遊節目 《超級台灣任務》，但反應麻麻，今次主持《冬奧潮什麼》，未知是否想試用溫轉做幕前。

點擊睇曾國猷點做主持