髮型屋將停業老闆瑪姬無奈 周秀娜前男友呻：補貼又唔夠交租點捱
撰文：洪曉璇
出版：更新：
第五波新冠肺炎疫情肆虐，政府2月8日宣布再收緊防疫措施及社交距離措施，本周四（10日）起髮型屋及宗教處所須關閉，直至「疫苗通行證」推出後重開（即2月24日），屆時顧客須接種疫苗後才能進入相關處所。藝人瑪姬及陳偉成分別投資開髮型屋，都此都感到無奈。
瑪姬在8號記者會後，馬上趕回髮型屋染髮：「#今天只做一件事#仆返去舖頭染髮#開工大吉三日就要停業#聽日嘅booking已經海嘯式咁full晒#未book嘅男士要準備學紮辮#我聽日會喺舖頭見證開業四年半以嚟嘅歷史性時刻」擁有六間髮型屋的Avis陳偉成則留言吐苦水：「唔好每次都好似唧牙膏咁得唔得？已經第五個疫情唔係第一次，可唔可以果斷少少？一係全部人14日唔好出街，宵禁14日一齊渡過，如果唔係開頭停業嗰啲，不斷等你玩到完都唔知幾時，又唔俾人開，補貼又唔夠交租，次次都係咁點同你捱啊？」