劉浩龍酒店隔離悶到癲　房內狂跑五公里打發時間

劉浩龍（師兄）早幾日入境澳門，為本月15日歌唱表演作準備。鑑於當地防疫規定，入境前14天內曾經到過香港，須持24小時內的新型冠狀病毒核酸檢測陰性證明，入境後要接受14天指定地點的醫學觀察。在隔離期間，師兄悶到發呆，唯有在酒店房間內不繼來回跑步打發時間，不忘將影片上載到IG並發文：「隔離傳統～每間酒店都要跑5K，經過上次隔離酒店嘅經驗，如果着波鞋喺地氈上邊跑步係會仆X嘅，但係我又唔想唔着鞋係呢個地氈，又唔想着襪之後要洗，所以我決定考驗呢一對紙拖鞋嘅能力，結果唔錯，耐力同韌度都有ISO 9003嘅標準，經過5K之後只不過穿咗一個窿，合格。」