陳曉東老婆為配貨 3000元Hermès鉛筆套照入手
撰文：鄺鈺瑩
出版：更新：
圈中不少女星對Hermès十分着迷，當中嘅佼佼者袁詠儀行Hermès多過行超市。之不過，身為VVIP嘅佢喺就曾經透露過喺買包包時都需要進行配貨呢一個動作。
陳曉東老婆王妤嫻近年亦不時在小紅書分享各式向樣嘅Hermès戰利品，當中包括應該係為配貨而買嘅鉛筆套（價值3千多人民幣)，亦試過硬食兩個黑色Kelly。而去年初唔少女星都有一個嘅Mini Lindy，王妤嫻亦成功入手，不過佢嘅評價就好一般，原因係「塞」唔落iPhone Pro Max、消毒廁紙巾、車匙、唇膏，仲自覺「花錢買到不實用的，出門這沒有那沒的，我實在受不了」；既然細袋唔實用，咁大袋如Birkin又點睇呢？王妤嫻對自己擁有嘅Birkin 30評價如下:「我為這包去過正骨，開包很麻煩，除了好看，不實用，除非你處處有助手司機！我不明白怎麼那麼多人排著買他……花大錢買他，我能說你拿幾次後，就是擺著了」
既嫌Birkin重，又嫌Mini Lindy唔實用，咁到底王妤嫻鍾意Hermès嘅邊款袋呢？無錯，就係極難入手嘅Constance以及價錢較為親民嘅Kelly To Go Wallet。
點擊下圖睇王妤嫻有咩收藏品
+17