【Apink演唱會】大唱《小幸運》　恩地萌抱熊貓　普美初瓏爆喊

韓國人氣女團Apink昨晚假亞洲國際博覽館，舉行「Apink《Pink Aurora》Asia Tour in Hong Kong」演唱會。今次亦是Apink出道以來在香港的首個單獨演唱會，自然吸引大批Pink Panda（Apink粉絲）撐場。

Apink以白襯衣配黑色小短裙現身，又用廣東話與粉絲打招呼！當中恩地似乎不太肯定自己名字的廣東話讀音，在自我介紹的時候略有遲疑，展現呆萌一面。而普美就大曬廣東話：「大家好，我係普美，好掛住大家，大家有冇掛住我？今日希望有好好嘅回憶帶俾你，多謝！」夏榮又多謝粉絲撐場：「多謝大家同埋多謝晒，準備好未？」Apink 6位成員又齊齊補祝大家「新年快樂」，Pink Panda亦報以熱烈回應！Apink更特地為香港的Pink Panda送上國語歌《小幸運》，誠意十足！

Apink在台上回答粉絲的問題，一班成員表示「忙內」夏榮最易嬲嬲豬。至於有望最快結婚的成員，就是在《我們結婚了》與崔泰俊結為「夫婦」的普美，全場Pink Panda即時大表反對！到Encore部分，Apink成員們都感動到眼濕濕，隊長初瓏和普美喊得最厲害，初瓏更一度背台抹眼淚！