家族榮耀｜楊茜堯得罪劇組拍到鼻透光？羅子溢：有人講證明有人睇
撰文：賴家杰
出版：更新：
劇集《家族榮耀》於2月7日TVB首播，今天（30日）一眾劇中演員現身TVB電視城宣傳這部劇中。主演之一羅子溢（前名：羅仲謙）接受《香港01》訪問時表示這劇集陣容非常鼎盛，他說：「有張智霖、又有好耐冇拍劇嘅楊茜堯（前名：楊怡）、又有李彩華，好多熟悉嘅面孔，以我所知內地同香港個點擊率都好優勝。今次喺TVB播，希望帶到歡樂畀觀眾。」
+13
這劇集早在內地播放，也成為不少網友茶餘飯後的話題，其中有一幕指茜堯是否得罪劇組，因為播出後，看見茜堯的鼻透光了，引起一眾網友討論，子溢回應：「其實我覺得冇咩特別，當花邊新聞去宣傳，我又唔會好介意身邊人講咩。咁有人講證明有人睇，咁樣諗會好開心。（有冇嬲？）冇啦，都咁多年，我當下又唔覺得有咩異樣，當宣傳。」
重溫劇中有幾甜蜜：
+30
另下有指子溢在片場瘋狂加與李彩華的吻戲，子溢直言：「咁又冇瘋狂加，我同彩華夾過，如果太內斂唔似我哋演呢對情侶性格，我哋畀人感覺有少少瘋狂，所以同彩華傾過呢個問題，希望畀觀眾投入更多。」
+10