前無綫主播張文采大玩你問我答　對主播生涯冇留戀︰而家冇乜懷緬

前無綫新聞總主播、現年36歲的張文采（Wendy）自離開TVB後，工作機會不斷，除了做主持、配音和司儀工作，又是主播口才技巧訓練導師，涉獵甚廣。雖然她甚少在幕前出現，但不時會和粉絲互動。日前，她叫網民問問題，大玩你問我答。

Wendy除了有po自拍舊照外，亦有提及以前做主播時的趣事，「蝦碌」事好多，她說︰「倒瀉水、忍笑、忍肚痛、餓到肚咕咕聲入埋咪、一路on cast一路食麵、太眼瞓去片期間瞓着咗、壞字幕機、壞電腦、壞燈、壞camera…蝦碌不能盡錄」。有人問︰「懷念以前主播生涯嗎？（尤其合作過的同事）」，Wendy說︰「以前返工係幾開心嘅，但而家都冇乜懷緬，而家連新聞都好少睇」。又有人問喜歡MIRROR的Wendy有沒有機會去ViuTV拍節目，她表示自己不會拋頭露面太多。談到新年願望，Wendy表示︰「我已經達成咗我嘅願望㗎喇！就係唔使做」，看來2018年已嫁給消防員老公的Wendy生活好幸福！

點擊下圖看看Wendy的精選「你問我答」︰