余思敏讚老公鄭中基係好爸爸　疫情留家陪小朋友：佢會接返學放學

余思敏自2011年與鄭中基結婚後，就淡出幕前專心照顧家庭。她今日（23/1）出席《開電視》賀年節目拍攝時，接受《香港01》訪問，解釋說因為近年忙於家庭，說：「之前幾年小朋友都細，所以都係照顧佢哋為主，但係有適合工作我都會做嘅。」

會否籍此機會增加幕前工作？她笑說：「其實我冇退出過，所以都唔好講復出咁誇張。」她自言，現時還是以家庭為主，工作前會優先安排小朋友的行程：「我先生（鄭中基）都好尊重我，我出去工作都冇問題。佢除咗工作時候都會留喺屋企，會幫吓手去照顧，冇話邊個出咗去做嘢，另一個就要留喺屋企湊仔。」

她也大讚鄭中基是一個好爸爸：「小朋友開早班，佢會接返學放學。佢放假時候基本上都係留喺屋企陪小朋友，尤其是而家疫情都會留喺屋企，陪小朋友打機、睇戲、玩！其實小朋友好「癡」佢。爸爸就會多諗頭，譬如爸爸得閒一齊出街嘅時候，小朋友就會：「Yeah！」咁樣，哈哈。」