王菲被爆戴幾千萬巨鑽打牌增運開光費20萬　張國榮當年見到都嚇窒

眾所周知樂壇天后王菲好鍾意打麻雀，她的不少圈中好友包括劉嘉玲，以及故友張國榮 (哥哥) 都是她的麻雀腳。早前一位曾經是王菲「御用麻雀腳」的女星就爆料表示，她們每次約王菲打牌，王菲定必一Call即到。該爆料女星指，平時不愛追逐名利的王菲，在麻雀枱度卻極之想贏牌，好勝心超強。而最令人印象深刻的是，見過她戴住一隻價值幾千萬的巨型鑽戒落場打牌，同枱的哥哥見到，就好奇地問她為什麼戴上這麼貴重的鑽戒打牌，王菲就話：「我用咗20萬幫呢隻鑽戒開光，好貴㗎。」原來她是想借開了光的鑽戒為她帶來好運，令她可以在麻雀枱上旗開得勝，不過爆料者就沒有說這隻開光鑽戒幫不幫到王菲。

據悉，王菲雖然熱愛打牌，但並非打得好叻，有時更會成為「魚腩」，牌局輸多過人，但她的牌品卻不錯的。哥哥生前亦曾爆料，說他有次同王菲打牌，王菲身後有位女星朋友，一時多嘴講咗一句：「王菲，你點打牌？打錯嘞！」誰知王菲即時好嚴肅地回應該位女星表示：「你可以話我唱歌唔好，我認喇，但係話我打麻雀唔好，就打死都唔認。」可見她緊張自己的牌章多過歌藝。