林熹瞳成TVB合約藝人 唔介意人工低追演員夢：錢唔係我優先考慮
撰文：賴家杰
出版：更新：
現年37歲的藝人林熹瞳（Rachel）今天（13日）出席鐘錶店開幕活動，不過並不是以藝人身份，Rachel透露因為是艾威經理人，今天是陪同艾威一起來，負責大小事務。談到為何不一起投資，她解釋：「我都希望我將來有呢啲機會，我自己其實有一間小型製作公司，都會接下呢啲活動做，都好好彩，已經開咗7年，仲順利。」
另外Rachel近年都將重心放在幕後工作，但是演員的心從來沒有放棄過，因此有機會在TVB拍劇的工作，去年年尾更簽約成TVB藝人，她說：「我唔想做做下變幕後，因為我之前讀5年演藝學院，咁都想做返呢一行。不過之後做演員機會反而唔係好多，反而編劇工作比較多人搵我，但我都知道我長處係演戲。」
她續說：「我好好彩喺TVB拍咗第一部劇《逆天奇案》，到依家好好彩拍第二部《法言人》，咁我唔係親生女，我係合約藝人。我當然希望表演好啲，簽更長合約，我諗冇演員唔想做女一或者一線。（錢方面OK？）其實我自己本身有好多其他工作，所以錢唔係我優先考慮，咁以演戲行先。」
點擊下圖觀看林熹瞳IG相片：
+21